One Flew Over the Cuckoo's Nest (1975)

बर्याच मित्रांनी सजेष्ट केल्या मुळे ’वन फ़्ल्यु ओवर द कुक्कूज नेस्ट’ पाहिला.
सिनेमा छान आहेच, त्याबद्दल काही वादचं नाही. जॅक निकोल्सनचा, नर्स रचेल वठवलेल्या अभिनेत्रीचा अभिनय उत्तम.
सर्व सहकलाकाराचे अभिनय सुद्धा वाखानन्याजोगे.
'क्यों की' हा प्रियदर्शनचा हिंदी सिनेमा ह्याच्यावरून ढापला होता...

Orphan (2009)

ऑर्फ़न - बर्यापैकी थ्रिलर
सिनेमाची रचना जरी हॉरर पटाची असली तरी हा एक थ्रीलर आहे. चांगला आहे. सर्व कलाकारांचे काम छान झाले आहे.

2012 (2009)

२०१२ - जगप्रसिध्द जगबुडीच्या तथाकथित भाकितावर आधारीत असणारा ’रोनाल्ड एमरीच’ दिग्दर्शित ’२०१२’ हा चित्रपट अस्सल हॉलिवूड मसाला आहे.

चित्रपट अतिशय सर्वसाधारण आहे. पठकथा अतिशय ठिसुळ आहे. कॉम्प्युटर ग्राफ़िक्स वगळता कशातही विशेष दम नहिये. काही द्रुश्ये मात्र अप्रतीम जमली आहेत. भारतीय शास्त्रज्ञ असलेला कलाकाराची हिन्दी ऐकुन हसू येते...

टायटॅनिक, द डे आफ़्टर टुमारो वगैरे पाहिले असतील तर यात वेगळे काही सापडणार नाही.

सिनेमॅक्स

"टिंग्या" (2008)

बहुचर्चित 'टिंग्या' पाहिला, अतिशय आवडला. विषय तर उत्तम आहेच वर सर्व कलाकारांनी उत्तम काम केले आहे. विशेष म्हणजे बाल कलाकार टिंग्या(शरद गोयेकर) यांनी अतिशय प्रामाणिकपणे ही भूमिका साकारली आहे. (अभिनयाचा राष्ट्रीय पुरस्कार सुद्धा मिळाला आहे). असे कितीतरी सीन आहेत कि ज्यामध्ये डोळ्यात पाणी येते. त्यातही टिपिकल भडक पार्श्वसंगीत नसने ही जमेची बाजू . तांत्रिक बाजू थोड्या कमजोर वाटल्या पण एकूण परिणाम सुंदर आहे. सीन बदलला कि लगेच पार्श्वसंगीत थांबणे, किंवा बदलणे, हे बर्याच जागी खटकते. (ही बर्याच वास्तवदर्शी सिनेमात दिसणारी , खटकणारी गोष्ट मला वाटते.) ते एकदम बदलण्या ऐवजी लीलया मिसळल पाहिजे. असो, बहुतेक मला हे नीट सांगता आलं नाही. मंगेश हाडवळे यांच दिग्दर्शन चांगल आहे, त्यांचा पुढील प्रोजेक्ट हे सिद्ध करेलच. सिनेमा पाहताना स्वतःचा कितीदा तरी राग आला, आणि आपण किती कोरडे झाले आहोत याची लाज वाटली. आताही माहित आहे कि हा सिनेमा फक्त एकट्यात मी पाहू शकतो कारण कुणा समोर रडण्यात आपण (मी) कमीपणा मानतो.

आपलासिनेमास्कोप परीक्षण
http://apalacinemascope.blogspot.com/2008/05/blog-post_30.html

अधिकृत दुवा
http://tingya-a-film.blogspot.com/

लोकप्रभा परीक्षण

अजब प्रेम की गजब कहानी (२००९)

फार काही अपेक्षेने 'अजब प्रेम की गजब कहानी' पाहायला गेलो नव्हतो, तसा मी विनोदी चित्रपटाचा जास्त चाहता नाही, पण 'राजकुमार संतोषी' चा विनोदी सिनेमा आणि विशेष 'रणबीर कपूर' साठी गेलो... अपेक्षा नसल्यामुळे निराशा काही पदरी नाही पडली.. पण बरेचसे gags हसवून गेले... कतरिना वात आणते...बाकी कुणाला जास्त स्कोप नाही...

एकच गोष्ट पाहण्यासारखी ती म्हणजे 'रणबीर', त्याने अतिशय सुंदर काम केले आहे...विनोदी ते इमोशनल expressions लीलया करतो. जिम कॅरी सारखी अक्टिंग केलेला सिक़्वेन्स तर अतिशय उत्तम... बाकी बिनडोक विनोदाचे सगळे मसाले यात आहेत. गीत संगीत ठीक ठाक, पण चित्रपट पाहताना हास्यात गतिरोध प्रमाणे काम करतो. शेवट परत विनोदी सिनेमाची टिपिकल प्रियदर्शन स्टाईल... आणि एकदम अपेक्षित...नाविन्य काही नाही.. थोडक्यात या कहाणी मध्ये गजब काही शोधू नका....(रणबीर सोडून)

स्थळ - प्रसाद